Det var i dei dagar Steffen Kverneland og Ragnar Hovland drog til Jølster for å gjere research til ein ny og grensesprengande Astrup-biografi. Mykje var allereie blitt skrive om livet til den store kunstnaren, men kanskje ikkje om Gassen? Eller den djevelske haren? Og kor grundig hadde eigentleg det store stipendrøveriet til Ludvig Karsten blitt behandla? Ragnar og Steffen vil no kaste eit revolusjonerande lys over den store kunstnaren. Men dei kan jo ikkje berre jobbe. Dei må ete og ikkje minst drikke også.
 
I løpet av opphaldet i Jølster og familiehytta til Ragnar prøver dei så godt dei kan å ha Astrup i fokus. Men andre spørsmål trenger seg på: Vil Oddvar Torsheim openberre seg? Finst det sjøorm i Jølstravatnet? Kvifor vaknar Ragnar med blod over heile seg? Kven tok bilde av Steffen og Ragnar då det var berre dei i hytta? Svara på dette og mykje meir får du i den geniale og personlige biografien Astrup.

Øystein Simonsen, kulturhusleiear i Tysværtunet kulturhus, debuterar som bokbadar denne kvelden. 

Ragnar Hovland er ei av dei mest særeigne stemmene i norsk litteratur. Sidan debuten Alltid fleire dagar i 1979, har han utgitt over 50 bøker i dei fleste sjangrar, for både vaksne og barn. Han har mottatt ei rekkje prisar, mellom anna Kritikerprisen, Brageprisen, Dobloug-prisen og Bastian-prisen.

Steffen Kverneland er teikneserie-teiknar og illustratør, og ein av landets mest kritikarroste visuelle forteljarar. Han har teikna for mellom anna Dag og Tid, Nationen og Dagbladet. Han er kjend for sine «Amputerte klassikarar» og sjølvbiografiske bøker. Han fekk eit stort publikum med den teikna biografien om Edvard Munch, som fekk Brageprisen for beste sakprosabok i 2023.